night's profile*night*light*PhotosBlogListsMore  |  Tools Help |
|
July 05 عندما نشتاق أخوي الغالي عبدالله تذكر ايام اللعب والشقاوه
لما كنت تلعب كوره كنت اقعد اتفرج عليك
كنت من مشجعين النصر علشانك انت تشجع النصر وكنت اموت بشي اسمه ماجد عبدالله لانه كان لاعبك المفضل
ولا لما كنا كلنا نتسدح عند التلفزيون نتابع كابتن ماجد
وكنا اذا خلصت المغامره نقوم متأثرين و نحاول نقلد حراكاته وهو يشوت الكوره كان يقعد الحلقه كله وهي طيران بالهوى
او لما كنت تشري لي حلاو ابو علك وكتكات ابوغندور وفيشار نسمه من البقاله
وللحين اذكر لما كنت اتهاوش مع عيال الحاره كنت استنجد بك لاني اعرف انك ماراح تخذلن ابداً
.....................................
ولما كبرنا كنت انا وياك دايم نتهاوش ودايم متخانقين كنت تحب تفرض
سيطرتك علي وكنت اعاندك ودايم اروح لأبوي علشان هو الوحيد اللي
كان يوقف معي واستانس وانا انتصر عليك
(ههههههههههههههه ضحكه شريره )
ولما عديت الثانوي وبديت الجامعه صرت اكثر تفهم لي مانسى انك كنت تتحاول تتقرب
منا انا وخواتك بالرغم من صدنا لاننا كنانخاف منك وكانت فيه حواجز بيناوبينك
ومع ذلك مايأست وقربت لنا وفهمتنا صرنا نقدر نسولف معك ونضحك مانسى سواليفنا على طريق الرياض
ولا انسى لما كنت تجي ودورنا بالمغرب وتسولف علينا وتشوف وشي أخبارنا
مانسى لما كنت عندي امتحانات كنت تجيب لي كوفي او عصير
او لما كنت تدق علي وتقول لي وش تبغين عشى
واللحين سافر لكندا
وصرت افقد اشياء كثيره ضحكنا على العشاء مهوشنا على الافلام
وعنادنا لبعض
اللحين يدور ببالي مواقف كثيره اضحك عليه
واللحين اخوي هذا بكندا
سافر عشان يكمل دراسته عشان يحقق اهدافه ويرجع يقول لامه وابوه اناولدكم اللي رفعت راسكم
صارت اللحين المكالمات بينا وبينه هي الرابط الوحيد
ومع ذلك هاللرابط بنى علاقتي مع اخوي اكثر من قبل
عرفت اني فوت مع اخوي اشياء كثيره لكن ماراح افوت الباقي
حسيت انه اقرب لي من قبل كل ماسمحت لي الفرصه ادخل اكلمه بالماسنجر يعطين اخباره واعطيه اخبارنا نجلس ساعات نسولف ونضحك
هذي ر ساله اوجها لكل اخ اوخت
حاولوا تسمعون بعض
حاولوا تتافهمون وتفهمون بعض و
والله لو كل اخ جرب انه يجلس مع اخته يسولف او يطلع معها لمكان كل فتره او يجيبله هديه تفرحه مايهم اذا كانت غاليه او رخيصه حلوه او شينه
المهم انه هديه تبين لخته انه يهمه سعادته وانه مهمه عند
طرت علي اني اكتبلكم عن اخوي الغالي ابو هيثم تراه ماعرس بس انا احب اناديه بالأسم اللي يحبه
ادعوا معي ان الله يرده بالسلامه
لانتسونن من الردود اللي تطيب الخاطر
وبرضوا ابغى كل واحد يقرا موضوعي يكتب لي عن انسان يعزه ومشتاقله
او عن اخوه او خته لاتنسون انه اذا فكرنا راح نلقى ملاين المواقف اللي ضحكنا فيها وكانت مصدر سعاده لنا مع اخواننا
بس اطلب منكم شوي اقعدوا فكروا بأخوانكم وبأهلكم راح تلقون انكم بنعمه تحسدون عليه
وكثير من الناس يتمنون عيشتكم
يالله اخليكم مع مخيلتكم شوي
 مع السلامهنسيت هذي الابيات مهوب انا اللي كاتبته بس انه تعبر عن شوقي لخوي
كنت جالس انا والبحر والليل
ونجومه نسامر بعضنا والكل يحكي بهمومه ولما جا دوري بالحكي فجأة هاج البحري وهاجت أمواجه وضاق الليل واختفت نجومه والقمر اختفى تحت سحابة كلهم قالوا يكفي كلام عن الغالي وأشواقه THE END ---------------------------------------- Comments (3)
TrackbacksThe trackback URL for this entry is: http://just-smile9.spaces.live.com/blog/cns!531C972D195543E6!219.trak Weblogs that reference this entry
|
|
|
